ЕРЕН ЕРЛІК ЕСКІРМЕЙДІ

20-шағын ауданда орналас­қан жеңіс бағына серуендеп, демалуға қала жұртшылығы көп ке­ле­тін. Енді күтім жоқтығынан жетім қыздың күйін кешіп тұр. Оны өз иелігіне алған жеке кәсіпкердің үйіп-төккен уәдесі далада қалды. Осы жағдай соғыс ардагерлерін алаң­датты, дабыл қағуға мәжбүр етті.Жуырда облыс әкімі Серік Біл­әлов құрылыс, сәулет басқар­маларының басшыларын , аға ұр­пақ өкілдерін жинап, осы мәселеге байланысты жиын өткізді. Серік Сұлтанғазыұлы Есіл өзе­ні­нің жағасында қоныс тепкен сая­бақ­тың коммуналдық меншікке қай­тарылғанын,  енді 12 гектар аумақты Ұлы Жеңіс мерекесіне дейін қалпына келтіру міндеті тұр­ғанын жеткізді. Облыстың бас сәу­летшісі Валерий Затай   алда атқа­ры­латын іс-шаралар жоспарымен таныстырды. Жобаны қаржы­лан­ды­руға 35 миллион теңге жұмсау қарас­ты­рыл­ған. Ол үшін арнайы қор  құ­ры­лып, еңбек ұжымдары мен бизнес өкілдерін тарту көзделген. Композициялық кешен  әскери-патриоттық, аттракцион, спорт секілді секторларға бөлініп абаттан­дырылады. Бұл орайда әрқайсысы­ның өз ерекшеліктерін сақтай отырып  жоғары эстети­калық тал­ғам­мен безендіруге ба­рынша мән беріледі. Десек те, басты идея жау­мен арыстанша арпалысқан сол­түстікқазақстандық жауынгерлердің отты жылдардағы ерен ерліктерін паш етуге, елді, жерді сүю секілді патриоттық қасиеттерді жас буынның бойына сіңіруге тоғыстыры­латын бо­ла­ды. Даңқ аллеясына қыршын­нан қиылған боздақтар­дың шағын мүсіндері орнаты­лып, әскери блиндаж жасалады. Әс­ке­ри қарулар қойылады. Бұдан тысқары  қоршауларды ауыс­ты­ру, жолдарды жөндеп, өрнек­тас­тармен әшекей­леу,  қайықпен серуендеу аймағын жасау мәсе­ле­лері де жіті ойлас­тырылған. Өмір ЕСҚАЛИ, Петропавл.