Медициналық көмек көрсету алгоритмдері пысықталды, қызметкерлер covid-19-бен ауыратын пациенттерді емдеу жөніндегі хаттамалармен танысты, карантиндік шаралар енгізілді, халыққа тұмау вакцинациясы және пневмококкты вакцинация жүргізілді, деп атап өтті № 8 қалалық емхананың директоры Айгүл Қасымова бөлісті.

Вирустық инфекцияны жұқтырудың алдын алу үшін халық карантин ережелерін бұзбай, жеке гигиенаны сақтау, қолды жиі жуу, антисептикті пайдалану, маска тағу және қолғап кию қажет. Сондай-ақ, тұмау мен пневмококк инфекциясына қарсы вакцинация ұсынылады.

"Иммунитетті нығайту үшін жылы киіну керек. Қарт адамдар мен артериялық гипертензия, жүректің ишемиялық ауруы, өкпе аурулары барлар емханаларда медициналық тексеруден өту керек,
дәрі – дәрмектерді, антиагреганттар-тромбоздың алдын-алуға арналған дәрі-дәрмектерді үнемі қабылдау қажет. Бұл аспирин, клопидогрел болуы мүмкін. Бұл ретте дәрі-дәрмектерді дәрігердің тағайындауы бойынша қатаң қабылдау қажет", - деп атап өтті Айгүл Қасымова.

Иммунологтар COVID-19 вирусын зерттеу нәтижесінде, он ай ішінде антиденелер қанда 3 айдан 6 айға дейін және одан да көп сақталатыны анықтады. КВИ вирусының бірдей штаммынан аурудың қайталанған жағдайлары тіркелмеген. Алайда, коронавирус инфекциясынан кейін тіркелген жері бойынша дәрігердің бақылауы қажет. Емделушілер оңалту курстарынан өтіп, дененің жағдайын бақылау керек.