Ақтөбе қаласындағы Әуе қорғанысы күштері әскери институтының екінші курс курсанттары алғаш рет аспанға оқу-жауынгерлік тікұшақтармен көтерілді. Әскери авиация факультетінің екінші курс студенттерінің ұшу тәжірибесі бір жыл бұрын басталған. Бұған дейін курсанттарға екінші оқу жылынан кейін тікұшақты басқаруға рұқсат етілсе, енді олар екінші курстың басынан бастап ұшуды үйренеді. Бұл білім алушылар үшін ғана емес, оқытушылар үшін де ерекше сәт. Институттың қолбасшылығы мен профессорлық-оқытушылық құрамының пікірінше, бұл ұшу сағаттары мен болашақ ұшқыштардың тәжірибесін арттыруға ықпал етеді.
Ұшу теориядан басталатыны белгілі. Ұшқыш орнына отырмас бұрын әрбір курсант авиациялық техниканы, тікұшақты ұшуға пайдалану жөніндегі нұсқауды және әуеайлақ ауданын жақсы білетінін растайтын сынақтардан өтеді.
Бұл тапсырманы бірінші болып орындаған курсант Жасұлан Қуанышов ұшқыш болуының балалық шақтағы қызығушылығымен тығыз байланысты екенін айтады.
«Әуе қорғаныс күштерінің Әскери институтына түспес бұрын әуе кеңістігі мені қызықтыратын. Бала кезімнен өзімді ұшақтың ұшқышы ретінде елестеттім. Мектепте физика пәнін оқып, тікұшақтың жұмыс істеу принципіне қызығушылық таныта бастадым. Бұл процесс мені қатты қызықтырды, сондықтан әскери Әуе күштері институтына түсіп, әскери авиация факультетін таңдадым», деді курсант.
Әуе техникасын нұсқаушы аспанға көтереді. Курсанттардың сол сәтті есте сақтауы керек, ал элементтердің бірін басқаруды тәжірибелі ұшқыштың басшылығымен жүзеге асырады.
Ми-8 тікұшағы жерден бірнеше метрге көтеріліп, қатып қалды. Енді курсант Байболсын Сағындықов ұшу жаттығуларын пысықтауды үйренуі керек. Сырттан қарағанда тапсырма оңай секілді көрінуі мүмкін. Алайда іс жүзінде салмағы жеті тоннаға жуық тікұшақты дұрыс қалыпта ұстап тұру оңай шаруа емес екенін оқытушылар мен курсанттар да айтады.
Әуеге алғаш көтерілген курсант Б.Сағындықов бұл сәттің әсерлі болғандығы соншалық, өмірімді осы кәсіпке арнағым келетінін бірден түсіндім дейді.
«Бұл – менің өмірімдегі алғашқы рет ұшуым. Бірінші рет тікұшаққа жақындап, оны айналып өтіп, ұшу алдындағы тексеруден өтіп, ұшқыштың жұмыс орнына отырдым. Ұшу 15 минутқа созылды, бұл уақыт мен үшін ерекше өтті. Кеудемді толқыныс сезімі кернеді. Көлікке отырғаннан кейін өз өмірімді авиациямен, аспанмен мәңгі байланыстыратынымды түсіндім», дейді курсант.
Курсанттармен оқу-жаттығу ұшуларын оқытуда көп жылдық тәжірибесі бар үшінші сыныпты ұшқыш, капитан Владимир Шалай орындады. Оның айтуынша, алғашқы ұшу тек курсант үшін ғана емес, нұсқаушы үшін де маңызды. Курсанттың бірінші рейстегі көңіл күйі мен іс-әрекеттері оның өздігінен ұша алатындығын бірден анықтайды екен.
