Елорда • 28 Қазан, 2020

Елордада салынатын жаңа көпірдің эскизі пайда болды

229 рет
көрсетілді
1 мин
оқу үшін

Нұр-Сұлтандағы Тәуелсіздік даңғылында жаңа көпір салынады. Ол Тәуелсіздік сарайынан Керей, Жәнібек хандар көшесіне дейін жалғасатын болады. Көпір қаладағы көлік қозғалысын айтарлықтай азайтады деп күтілуде, деп хабарлайды Egemen.kz.

Елордада салынатын жаңа көпірдің эскизі пайда болды

Жаңа көпірдің эскиздерін қалалық урбанистика орталығы әзірледі. Көпірдің жалпы ұзындығы - 910 м, ені – 36 м, шамдардың биіктігі - 5-тен 16 метрге дейін жететін болады. Көпір шамдары масақ түрінде жасалады. Жобаның негізгі идеясы тың жерлерді игеру тарихи оқиғасымен байланысты. Көпірде орналасқан төрт баған ою-өрнектермен безендіріледі.

а

Көпірде тротуар және велосипед жолақтары да қарастырылған. Ол елорданың оң және сол жағалауын жалғайтын болады. Бұл құрылыс "Нұр-Сұлтан-жайлы қала" мастер–жоспары аясында жүргізілуде. Сонымен қатар, бұқаралық спортты дамыту үшін жаңа көпір астындағы қоғамдық кеңістік құрылады.

с

"Тәуелсіздік даңғылынан жалғасатын жаңа көпір елордамыздың тарихи өткенін бейнелейді. Көпір сол және оң жағалауды жалғап, әкімшілік орталықтан жаңа теміржол вокзалына дейін жол жүру уақытын қысқартып, жолаушылар ағынын жеңілдететіні маңызды", - деп атап өтті Нұр-Сұлтан қаласының урбанистика орталығының басшысы Елнар Базыкен. 

з

Айта кетейік, жаңа көпірдің құрылысы келесі жылға жоспарланған.