Саясат • 29 Қазан, 2020

Орталық Азия елдері мен Үндістан ынтымақтастықты тереңдетуде

3 рет көрсетілді

Мұхтар Тілеуберді бейнеконференция режимінде Үндістан, Қырғызстан, Тәжікстан, Түрікменстан және Өзбекстан сыртқы саяси ведомстволарыбасшыларының қатысуымен өткен "Орталық Азия Үндістан" диалогының екінші отырысына қатысты, деп хабарлайды Egemen.kz.

Талқылауға Ауғанстанның Сыртқы істер министрі Мохаммад Ханиф Атмар да қатысты.

Орталық Азиядағы қауіпсіздікті нығайту және тұрақты өсуді қамтамасыз ету мақсатында ұзақ мерзімді көпжоспарлы өзара іс-қимылды кеңейту, мемлекетаралық байланыстарды тереңдету мәселелері бойынша жан-жақты пікір алмасылды. Сауда-экономикалық өзара іс-қимылдың, осы форматқа қатысушы мемлекеттердің көліктік өзара байланыс жөніндегі бастамаларын іске асырудың, сондай-ақ өңірдегі санитариялық-эпидемиологиялық ахуалды тұрақтандыруға өзара көмек көрсетудің перспективалары қаралды.

Министрлер сыртқы саяси ведомстволардың күш-жігерін көпжақты өзара іс-қимылдың стратегиялық маңызды бағыттарына шоғырландыруға, экономикалық және өңіраралық ынтымақтастықты кеңейтуге дайын екендіктерін білдірді. Орталық Азия мемлекеттері мен Үндістанның көпжоспарлы ынтымақтастығының жандануы көпғасырлық достық, өзара құрмет пен пайда дәстүрлеріне сәйкес ортақ мүдделерге жауап береді және әлеуметтік-экономикалық прогрестің, өңірдегі бейбітшілікті, тұрақтылық пен қауіпсіздікті сақтаудың маңызды факторы болып табылады.

Кездесу қорытындысы бойынша Орталық Азия мен Үндістан Сыртқы істер министрлерінің Бірлескен мәлімдемесі қабылданды.

Соңғы жаңалықтар

Саңлақтар сыр бермеді

Спорт • 27 Қараша, 2020

Тұрғын үй алаяғы қолға түсті

Қоғам • 27 Қараша, 2020

Алматы облысында жер сілкінді

Оқиға • 27 Қараша, 2020

Ұқсас жаңалықтар