Қоғам • 29 Қазан, 2020

Алматы облысында цехта жарылыс болды

363 рет
көрсетілді
1 мин
оқу үшін

29 қазанда сағат 11.31-де Алматы облысы ТЖ департаментіне Алматы облысы Ұйғыр ауданының Шонжы ауылында дәретхана қағазын шығаратын цехта қағаз кептіруге арналған қазандықтың жарылғаны және ішінара шатырдың құлағаны туралы хабарлама түсті. Оқиға орнында өрт болған жоқ, деп хабарлайды Egemen.kz Төтенше жағдайлар министрлігінің баспасөз қызметіне сілтеме жасап.

Алматы облысында цехта жарылыс болды

ҚР ТЖМ ресми өкілі Талғат Уәлидің айтуынша, апатты жағдайдың салдарынан 1983 жылы туған  бір жұмысшы қайтыс болды (үйіндінің астында қалды, ТЖД күштері шығарып алды).  Ал 1999 жылы туған тағы бір жұмысшы түрлі жарақатпен Ұйғыр ауданының орталық ауруханасына жеткізілді.

р

Цехтың ауданы 200 шаршы метрді құрайды. Апат орнының көлемі 25 шаршы метр.  Цехтың төбесі шатыр түрінде жасалған, бір қабатты, профильді жабындымен жабылған, қабырғалары сплитерлік блок.

Алдын ала болжам бойынша апатты жағдай өндіріс технологиясының бұзылуы салдарынан орын алған.

лш