«Білім беру бағдарламасының бірегейлігі – семинар тыңдаушыларына ҮЕҰ-ны табысты дамыту бойынша озық практикаларды ұсынуда. Белгілі сарапшылар мен бизнес-тренерлер ҮЕҰ қызметін жоспарлау және талдау, қаржыландыру көздерін тарту, ҮЕҰ-ны ілгерілету тәсілдері, жеке даму стратегиясын құру туралы және басқа да білімдерімен бөліседі. Қашықтан оқыту формасының арқасында семинарлар мен вебинарлар барлығына қолжетімді. Біздің басты міндетіміз – ҮЕҰ өкілдерін қашықтан және мобильді оқытуды ұйымдастыру үшін қазақстандық платформа құру, сондай-ақ қоғамдық бірлестіктердің кәсіби дағдыларын дамыту», деді Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахметов.
Бүгінгі таңда ҮЕҰ академиясына 300-ден астам тыңдаушы жазылған және әртүрлі елдердің жаттықтырушылары шақырылды.
Оқыту курстарын Ресейдегі RedMe әлеуметтік бағытталған маркетингтің бірінші халықаралық агенттігінің басшысы Ольга Шаратута, әлеуметтік кәсіпкерлік бойынша Қырғызстанның сарапшысы Гүлнара Жүнісалиева, стратегиялық және коммуникациялық менеджмент бойынша қазақстандық мамандар: бұқаралық коммуникация саласындағы сарапшы Алина Хаматдинова, стратегиялық және коммуникациялық маркетинг бойынша кеңесші Ильдар Валиуллов және басқалар жүргізеді.
Халықаралық сарапшылар қоғамдық ұйымдар өкілдерін қарым-қатынасты ілгерілету әдістеріне, бизнес, ынтымақтастық пен ҮЕҰ-ны дамыту ерекшеліктеріне, ресейлік кейстер, стратегия, қаржылық жоспарлау және жобаларды басқару мысалында ҮЕҰ-ны дамытудың тиімді құралдарын үйретеді.
«Бұл пайдалы және мазмұнды бастама. Мен үшін ҮЕҰ-ны дамытудың маркетингтік әдістері және ресейлік корпоративтік еріктілік агенттіктерінің шешімдері жаңалық болды. ҮЕҰ-ны дамыту бойынша жаңа және уақтылы ақпарат алдық, оны біздің алдағы қызметімізде міндетті түрде қолдануға болады», деп атап өтті Қостанай облысы Азаматтық альянсының басшысы Динара Өтебаева.
