Экономика • 02 Қараша, 2020

Биткоин бағасы күрт өсті

76 рет көрсетілді

Биткоинның бағасы 14 000 дол­лардан асып түсті. Мұндай жағ­дай 2018 жылдың қаңтарынан бері алғаш рет тір­келіп отыр.

Coinmarketcap.com криптобир­жа­сының деректеріне сүйенсек, 2020 жыл­дың 31 қазанында криптовалюта бағасы бірден 300 долларға көтеріліп, 14 027 долларды құраған. Алайда бұл ұзақ сақталған жоқ, іле 13 680 долларға дейін төмен­деді.

Десе де, криптовалютаның шамамен үш жылдан кейін 14 000 долларға көтерілуі нарықтағы ойыншыларды бір серпілтіп қойды. Соңғы рет 2018 жылдың қаңтарында 1 бит­коин 14 000 доллардан жоғары сомаға бағаланып еді. Жалпы, бұл өнімнің бағасы бір кездері 20 000 долларға дейін көтерілгенін жақсы білеміз. Ал одан кейін құлдырау кезеңі бас­талды.

2020 жылдың қазан айында бит­коин шамамен 25 пайызға қымбаттаған. Сәуір айынан бері мұншалықты өсім тіркелген емес.

Криптовалюта бағасының өсіміне бірнеше фактор әсер етуі мүмкін. Бі­рінші кезекте компаниялар тарапы­нан қызығушылықтың артуы. Белгілі болғандай, қазан айында Square төлем сервисі 4 709 биткоинды сатып алу үшін 50 млн доллар жұмсаған. Бұ­дан бөлек, PayPal төлем сервисі пай­даланушыларға криптовалютамен есеп айырысуға мүмкіндік берді. Сонымен қатар JP Morgan банкі өт­кен аптада төлем жасау үшін JMP Coin цифрлық валютасын алғаш рет пайдалануға шешім қабылдады. Сон­дықтан осы факторларды ескерген бит­коинның жақтаушылары мұндай өсім тұрақты сақталарына сенімді.

Сондай-ақ өткен аптаның АҚШ қор нарығы үшін қолайсыз болғанын білеміз. Белгілі бір деңгейде бұл жағ­дай да биткоинның өсіміне әсер етпей қойған жоқ. Мәселен, Dow Jones өнеркәсіптік индексі апта басынан бері жұма күнгі сауда-саттықтың жабылуы­на дейін 6,5 пайыз жоғалтты. АҚШ-тың ең көп капиталдандырылған компаниялары кіретін S&P 500 индексі бір аптада 5,6 пайызға төмендеді. Техно­логиялық компанияларды қамтитын Nasdaq индексі 5 пайыз жоғалтты.

Еске сала кетейік, жыл басында бит­коинның бағасы 8 000 доллардан төмен еді. Оның биылғы өсімі АҚШ пен Иран қақтығысының шие­ленісуіне байланысты ин­вес­тор­лардың сенім­сіздігінен бас­тал­ды. Сонымен қатар бұған пан­демия мен қор нарықтарының құл­дырауын, мұ­най бағасының тө­мен­деуін қосуға болады.

Соңғы жаңалықтар

Балықшы

Өнер • Кеше

Ғалым ғибраты

Аймақтар • Кеше

Бюрократизм

Қоғам • Кеше

Бірінші байлық

Руханият • Кеше

Агробанк керек пе?

Экономика • Кеше

Ұқсас жаңалықтар