Мойынқұм ауданының әкімі Мәден Мұсаевтың ұсынысымен ағымдағы жылдың басында қараусыз, жөндеусіз тұрған 4 қабатты жатақханаға аудан бюджетінен 27 миллион теңге бөлініп, ол қаражатқа аталған жатақхананың бірінші және екінші қабаттары жөндеуден өткізілген. Тіпті шатыры ауыстырылып, ішіне орталықтандырылған жылыту батареялары жүргізіліп, ауызсу мен әжетхана ішке кіргізілген. Бүгінгі таңда 6 көпбалалы, жалғызілікті үй кезегіндегі отбасыларға бірінші қабаттан жатақхана кілттері берілді. Аудан әкімі Мәден Мұсаев баспаналы болған азаматтарды құттықтап, жатақхана кілттерін салтанатты түрде табыс етті. Ал, баспаналы болған тұрғындар да бірін-бірі құттықтап, шашу шашып, аудан басшылығына алғыс айтты.
Жамбыл облысы
