Хоккей • 03 Қараша, 2020

«Барыс» қорғаушымен толықты

427 рет көрсетілді

Құрлықтық хоккей лигасында (ҚХЛ) өнер көрсететін елорданың «Барыс» хоккей клубы жаңа қорғаушымен то­лықты. Бұл туралы команданың бас­пасөз қызметі хабарлады.

25 жастағы канадалық қорғаушы Диллон Хетерингтон елордалық командаға Америкалық хоккей лигасында (АХЛ) бақ сынайтын «Техас Старз» клубынан ауысып келді. Өткен маусымда ол «Техас Старз» командасымен лиганың 59 матчына қатысып, 14 (2+12) ұпай жинаған. Калгари қаласының тумасы Хетерингтон АХЛ-да жалпы саны 313 кездесу өткізіп, қарсыластар қақпасын 13 мәрте дәл көз­десе,76 рет әріптестеріне нәтижелі пас асырған.

Сондай-ақ ол «Даллас Старзбен» бірге Ұлттық хоккей лигасында (ҰХЛ) 11 ойын өткізіп, екі мәрте дәл пас берген. Өз кезе­гінде Диллон Хетерингтон Канаданың жас­өспірімдер және жастар құрамасымен бірге шайбалы хоккейден әлем чемпионы атанған. Сонымен қатар «Лейк Эри Монстерз» командасымен АХЛ-да топ жарған.

 

Соңғы жаңалықтар

Астанада «Вaitursynuly.kz» сайтының тұсаукесері өтті

Ахмет Байтұрсынұлы • 03 Ақпан, 2023

Ұқсас жаңалықтар