Коронавирус • 03 Қараша, 2020

Коронавирустың жаңа мутациялары табылды

54 рет көрсетілді

Американдық ғалымдар SARS-CoV-2 жаңа мутацияларын тапты, олардың бірі оны жұқпалы етуі мүмкін. Бұл туралы mbio журналында жарияланған зерттеуде жазылған, деп хабарлайды Egemen.kz РИА Новостиге сілтеме жасап.

Пандемияның алғашқы толқыны кезінде S-ақуызына әсер ететін d614g мутациясы Хьюстондағы COVID-19 жұқтырған пациенттердің 71 пайызында анықталған. Екінші толқында бұл көрсеткіш, 99,9 пайызға дейін өсіп, бүкіл әлемге тараған.

Техас университетінің ғалымдары мутацияның тұрақтылығын анықтау үшін S-ақуыз вирусының түрлі генетикалық нұсқаларын зерттеген. Осыған байланысты олар D614G мутациясы SARS-CoV-2 жұқтыру қаупін арттыруы мүмкін деген қорытындыға келген.

Зерттеу аясында 285 мутация табылған. Бірақ олардың көпшілігі аурудың өршуіне айтарлықтай әсер етпейді.

Соңғы жаңалықтар

Қазақстанда қанша адам вакцина алды

Коронавирус • Бүгін, 10:42

Ұқсас жаңалықтар