Өңір басшысының айтуынша, Елбасының "Нұрлы жер" бағдарламасы шеңберінде тұрғын үйлер мен инженерлік инфрақұрылымдардың құрылысына 38,3 млрд теңге бөлінді.
Жалпы облыста барлығы 2843 пәтерлік 566 тұрғын үй салынуда, оның 1020-сы көп балалы отбасыларына беріледі. 1533 отбасы "7-20-25", "Бақытты отбасы" және "Шаңырақ 5-10-20" жеңілдетілген бағдарламалары бойынша пәтер алады.
"Облыс орталығы Талдықорғанда 670 үйлік коттедж қалашығының құрылысы жүріп жатыр. Биылғы жылы 345-ін қолданысқа береміз. Мұнда мектеп, балабақша, балалар және спорт алаңдары салынуда", - деді А.Баталов.
