"Тұрғын үй мен әлеуметтік нысандардың құрылысын көріп қайттым. "Нұрлы жер" бағдарламасы бойынша Наурызбай ауданында жалпы ауданы 217 840 шаршы метр болатын 127 көппәтерлі "Алма сити" ТК бой көтеруде. Биыл 100 үй пайдалануға беріледі. Жыл соңына дейін ауданы 27 371 шаршы метр болатын "Нұрлы дала" ТК-да 8 үй тапсырылады. Алатау ауданында 43 620 шаршы метр 22 үйден тұратын "Мәдениет" ТК салынуда", делінген жазбада.
Әуезов ауданындағы Жетісу-2 ықшамауданында №117 мектепке жапсарлас 900 орынды қосымша құрылыс салынуда. Наурызбай ауданында да №186 мектептің қасына 513 оқушыға арналған қосымша құрылыс және 120 орынды балабақша бой көтереді.
