С.Сейфуллин атындағы Қазақ агротехникалық университеті гуманитарлық факультетінің қазақ және орыс тілдері кафедрасы Қазақстан халқы Ассамблеясы кафедрасымен бірлесіп Қазақстан Республикасының Тұңғыш Президенті күніне арналған "Дәуір Тұлғасы" қалалық көркем-әдеби онлайн конференциясын өткізді.
Шараға ҚазАТУ-дың оқытушылары мен студенттері, сондай-ақ Нұр-Сұлтан қаласындағы ҚХА ғылыми-сараптамалық тобының мүшелері, "Қоғамдық келісім" КММ, ішкі саясат басқармасы, Қазақстан халқы Ассамблеясы хатшылығының өкілдері және этномәдени бірлестіктердің басшылары қатысты.
Конференцияда С.Сейфуллин атындағы Қаз АТУ қазақ және орыс тілдері кафедрасының оқытушысы, филология ғылымдарының магистрі Әлия Нұғманова "Ұлт көшбасшысы феноменін қалыптастырудағы Тұңғыш Президенттің рөлі" тақырыбында баяндама жасады.
Сонымен қатар "Қазақстан жолы" және "Назарбаев моделі" кітаптарының таныстырылымы өтіп, "Қазақстан Республикасының Тұңғыш Президенті - Елбасы мәртебесі туралы" бейнебаяны көрсетілді.
Сондай-ақ университет студенттері қазақ ақындарының Елбасыға арналған өлеңдерін оқыды, Өнер және шығармашылық факультетінің өкілдері, республикалық байқаулардың лауреаттары "Қазақстаным, алға!", "Өсиет", "Қазақ елі" музыкалық шығармаларын орындады.
