Алдын ала мәліметтер бойынша Мари Ройс Нұр-Сұлтан мен Алматыға келеді.
"Мемлекеттік хатшының көмекшісі Ройс Қазақстан үкіметінің жоғары лауазымды мүшелерімен кездесіп, білім және мәдениет саласындағы екіжақты ынтымақтастықты талқылайды", делінген Мемлекеттік департаменттің хабарламасында.
Сондай-ақ Ройстың бірлескен білім беру бағдарламаларының қатысушыларымен және түлектерімен кездесіп, Қазақстан мен Chevron мұнай компаниясы арасындағы ғылым, технология және білім саласындағы әріптестік туралы құжатқа қол қоятыны айтылады.
Дегенмен, оның Қазақстанға сапарының нақты күндері аталмады.
