1 275 минут
Футбол шежіресінде ең сенімді қақпашы атанған «Атлетико» (Мадрид) командасының қақпашысы Эйбл Ресино (суретте) үлкен жарыстарда 1275 минут бойы өз қақпасына бірде-бір доп жібермеген.
Алып қақпашы
Ағылшын құрамасының бұрынғы қақпашысы Вилли Генри Фулктың бойы 190 см, салмағы 165 кг болған. Бірде ол байқаусызда өз қақпасының жоғары көлденең штангасын сындырып алып, ойын уақытша тоқтатылған.
199 854 көрермен
Рио-де Жанейро қаласының «Маракана» стадионында өткен Бразилия мен Уругвай футбол командаларының ойынын (әлем чемпионаты) 199 854 көрермен тамашалаған.
Ең көп тәртіп бұзған ойын
Ең көп тәртіп бұзған ойын 1993 жылы 1 маусымда Парагвайда өткен. Төреші 20 футболшыны алаңнан қууға мәжбүр болған екен.
36 гол
1885 жылы 5 қыркүйекте Шотландия кубогы үшін сайыста «Арброут» командасы қарсыласының қақпасына («Бон Аккорд» командасы) 36 доп енгізіп, рекорд жасаған.
Бір өзі – 16 голдың иесі
«Рэсинг Клаб де Ланс» командасының шабуылшысы Стефан Станис «Обри-Астюри» командасымен кездесу кезінде бір өзі 16 доп енгізіп, рекорд жасаған.
Төрт рет хет-трик
Жапондық «J» лигасындағы «Жубила Ивата» командасының ойыншысы Масаши Накаяма 4 кездесудің әрбірінде хет-трик жасап, ерекше көзге түскен. Ол 1998 жылы 15 сәуірде «Серезо Осака» қақпасына 5 гол, үш күннен кейін «Санфреккс Хирошима» қақпасына 4 гол, арада бір аптадан соң «Ависпа Фукуока» қақпасына тағы да 4 гол, 29 сәуірде «Консадоле Саппоро» қақпасына 3 гол енгізіп жерлестерін таңғалдырған.
