Сөредегі сағаттар

Руханият • 24 Қараша, 2020

Сөредегі сағаттар

11 рет көрсетілді

Қазақстан Республикасы Тұңғыш Президенті – Елбасы музейінің ғимаратында «Тәуелсіз Қазақстанның тарихи негізі» және «Дипломатиялық сыйлықтар – адамзаттың мәдени мұрасының құрамдас бөлігі» атты қос көрменің салтанатты ашылу рәсімі өтіп, мәдени шараға Парламент Мәжілісінің депутаттары, танымал ғалымдар мен мәдениет және өнер қайраткерлері қатысты.

Бекен ҚАЙРАТҰЛЫ

Көрме экспозициясына, кітапхананың мұражай қорында сақталған Елбасы Нұрсұлтан Назарбаевқа қатысы бар ерекше жәдігерлер қойылып, бұл дүниелер көрермендердің көзайымына айналды. Әсіресе «Дипломатиялық сыйлықтар – адамзаттың мәдени мұрасының құрамдас бөлігі» атты көрме сөресіне қойылған сағаттар композициясы өткен тарихтан сыр шерткендей әсер қалдырды. Бұл жәдігерлер негізін Елбасына шетел басшылары, халықаралық ұйымдар мен қорлар, әртүрлі ресми делегациялар берген сыйлықтар құрайды екен.

Көрмеден әлемге әйгілі сағат жасау маркалары – Atmos, Hermle, Berhard Richards Manufacture, Blancpain сынды еуропалық мануфактура өнімдерін көруге болады. Сондай-ақ көрме төрінен Нұрсұлтан Әбішұлына танымал композитор Н.Тілендиевтің жұбайы сыйлаған «Паровоз» атты сағат және ХVІІІ ғасырдың екінші жартысында өнеркәсіптік революцияның алғашқы бу машиналарына қатысты жасалаған жәдігер, Atmos маркалы күнтізбесі 3000 жылдан басталатын құнды сағат және басқа да үлгілерді көруге болады.

Сонымен қатар бұл жерден ерекше мәнді есте қаларлық оқиғалармен бедерленген гравер мен клейм үстелген сағаттарды да кездестіруге болады. Мәселен, «Ракета» сағаты Н.Назарбаевтың Қазақ КСР-ін басқарған кезеңіндегі өмірінен сыр шертетін қызықты зат саналады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз