Аймақтар • 24 Қараша, 2020

Атырауда 2 млн теңгеден асатын айыппұлын төлемеген жүргізуші анықталды

95 рет көрсетілді

Полиция қызметкерлері тоқтатқан "Toyota Camry"  автокөлігіне жалған мемлекеттік белгі тағылған екен, деп хабарлайды Egemen.kz.

"24 жастағы жүргізушіге қатысты ҚР Әкімшілік құқықбұзушылық туралы Кодексіне сәйкес 7 әкімшілік хаттама  толтырылып, 180 570 теңге көлемінде айыппұл салынды. Бұдан басқа аталған Кодекстің 590-бабының 4-бөлімімен (Жалған мемлекеттік белгі орнату), 596-бабының 3-бөлімімен (Жолдың қарсы бағытына шығу) бойынша тағы 2 әкімшілік хаттама шешім қабылдау үшін сотқа жолданды", деп хабарлады облыстық полиция департаментінің баспасөз қызметі.

Бұл автокөліктің жалған мемлекеттік белгісінде 2 млн 391 858 теңгені құрайтын 104 айыппұл салыныпты. Ал жүргізушінің атына тіркелген мемлекеттік белгісі бойынша 272 мың 244 теңгенің  12 айыппұлы бары анықталып отыр. Автокөлік айып тұрағына қойылды.

Соңғы жаңалықтар

Жұмекен жырдың жеті бояуы

Руханият • Бүгін, 13:32

Ұқсас жаңалықтар