"На старте" фильмінің желісі бойынша әкеден айырылған ағайындылар қылмыстық жолға түседі. Оларды талантты жастарды іздеу үшін қаладан ауылға келген жеңіл атлетика спортының жаттықтырушысы байқап қалады. Ағайындылар жаңа сынақтарға тап болады. Қайғылы жағдай олардың өмірін өзгертеді. Ағайындылардың біріне жүгіру марафонына қатысып, әлем чемпионын жеңу қажет.
Картина Golden Man Media киностудиясында түсірілді. "На старте" фильмі қазақстандық прокатқа 2021 жылы шығады.
Картина режиссері Ернар Нұрғалиев. Ол көпшілікке "Золушка Зауре", "Өгей жүрек", "Сүйе білсең", "Сүйе білсең-2", "Махаббатым жүрегімде", "Келiнжан-1", "Келiнжан-2" телехикаялары, "Брат или брак", "Станция судьбы" көркем фильмдері, "Жаным, ты не поверишь!" комедиясы, "Я люблю тебя" мелодрамасы, "Sisitay" мюзиклі арқылы танымал.
Картинаның екінші режиссері Алан Әбдібаев.
"На старте" картинасына 2019 жылы питчинг жобасының аясында Қазақстан Республикасының Мәдениет пен Спорт министрлігінен қолдау көрсетілді. Қаржыландыру Ұлттық киноны қолдау мемлекеттік орталығының тарапынан жүргізілді.
"На старте" көркем фильмі ол нағыз мотивациялық спорт драмасы. Карантин салдарынан картина жұмыстарын жүргізу қиынға соқты. Фильмнің алғашқы қоюшы режиссері ресейлік азамат Индар Джендубаев болды. Ол картинада жарты жылдан астам жұмыс істеді. Бірақ Қазақстандағы төтенше жағдайға байланысты ол өз еліне кетуге мәжбүр болды. Қазіргі жағдайға байланысты сценарийге өзгеріс енгізуге тура келді. Болашақта кең көлемді массалық сахналарды түсіре алмайтынымызды түсіндік. Бұл орайда мен Ернар Нұрғалиевке хабарласып, фильм жұмыстарын жалғастырдық. Пандемия түсірілім жұмыстарына көптеген өзгерістер енгізді, Түсірілім алаңында қауіпсіздік шарттарын сақтадық", дейді картинаның бас продюсері Максим Акбаров.
Аталған фильм Алматы, Алматы облысында және "Алтын Емел" ұлттық саябағында түсірілді. Жақын арада түсірілім тобы Біріккен Араб Әмірлігінде барып, киноға қажетті материалдарды жинақтап, кино монтажына кіріседі.
Фильмге Айбасов Жандос, Ербол Семкулов, Ерік Жолжақсынов, Карина Кудекова сында актерлер түсті. Фильмге қазақ тілінде дубляж жасалады. Прокаттық рейтинг 12+ жас.
