Ерлер арасында 73 кг салмақта шымкенттік Александр Уваровқа тең келер ешкім табылмады. Ол қоссайыста 308 кг-ны (139+169) еңсеріп, ел чемпионы атанды. 2019 жылы АҚШ-та өткен жастар арасындағы әлем чемпионатында топ жарған Ақмолда Сайрамкез 297 кг (127+170) зілтемірді басынан асыра көтеріп, екінші орынға табан тіреді. Үшін орын 293 кг (133+160) көтерген алматылық Пётр Хребтовке бұйырды.
Әйелдер арасында 76 кг-да бірқатар халықаралық жарыстың жеңімпазы Екатерина Быкова үздік атанды. Шығысқазақстандық спортшы қоссайыста 209 кг (89+120) зілтемірді бағындырды. Күміс жүлде Анжела Чалкароваға (205 кг), қола медаль Арай Нұрлыбековаға (204 кг) бұйырды. 81 кг-да Карина Кузганбаева (220 кг) дара шықты. Екінші орынды Ольга Пастухова (212 кг) иеленсе, үздік үштікті Айым Есжанова (211 кг) түйіндеді.
