Атырауда инспекторға "қызыл" балық беруші ұсталды

Бұған дейін күдікті ҚР Қылмыстық Кодексінің 190-бабымен (Алаяқтық) сотталған екен. Алайда пробация қызметінің инспекторы кешкі мезгілде тексере келгенде сотталған адам  үйінде болмаған.

«Осы құқық бұзушылық оның жеке ісіне тіркелетіндіктен, сотталған ер адам инспекторға бекіре тұқымдас бағалы балықты пара ретінде беруге тырысқан. Қазір ҚР Қылмыстық Кодексінің 367-бабының 1-бөлігімен (Пара беру) сотқа дейінгі тергеу амалдары басталды» деп хабарлады департаментінің баспасөз қызметі.