Бельгия Корольдігінде басталған «Қазақстан Республикасы – Еуропалық Одақ» Парламенттік ынтымақтастық комитетінің 12-ші отырысына Парламент Мәжілісі Төрағасының орынбасары, комитеттің тең төрағасы Сергей Дьяченконың басшылығымен қазақстандық парламенттік делегация қатысуда.
Бельгия Корольдігінде басталған «Қазақстан Республикасы – Еуропалық Одақ» Парламенттік ынтымақтастық комитетінің 12-ші отырысына Парламент Мәжілісі Төрағасының орынбасары, комитеттің тең төрағасы Сергей Дьяченконың басшылығымен қазақстандық парламенттік делегация қатысуда.
Делегация құрамында мәжілісмендер Ш.Өтемісов, В.Косарев, А.Соловьева және сенатор Б.Шелпеков бар. Бағдарлама шеңберінде қазақстандық парламентшілер Еуропа жағынан комитеттің тең төрағасы Паоло Бартолоццимен кездесті. Олар екіжақты өзара өзекті мәселелер жайында пікір алмасып, Қазақстан мен Еуроодақ арасындағы өзара байланысты дамытудың маңызына тоқталды.
Комитет парламенттік ынтымақтастықтың «ҚР-ЕО» 12-ші отырысы барысында Қазақстан мен Еуропалық Одақ арасындағы өзара қарым-қатынас мәселелеріне нақты көзқарастар білдірді. Тараптар Қазақстан мен Еуроодақ арасындағы ынтымақтастықты сауда-экономика саласында дамыту мен визалық режімді жеңілдетудің келешегі жайында жаңа базалық келісім жасау жолдарын талқылады. Сонымен қатар, олар білім беру мен ғылым, денсаулық сақтау, адам құқы, су ресурстары мен қоршаған ортаны қорғауда ынтымақтастықты нығайту мен бекіте түсудің маңызын атап өтті.
Отырыс нәтижесінде «Қазақстан Республикасы – Еуропалық Одақ» Парламенттік ынтымақтастық комитетінің 12-ші отырысының қорытынды құжаты қабылданды.
«Егемен-ақпарат».
