Мәскеуде кеңес және орыс театр мен кин өнерінің жұлдызы Юрий Яковлев өмірден өтті. Бұл туралы РИА «Новости» хабарлады.
Актер ұзаққа созылған науқастан кейін аурухана төсегінде қайтыс болды.
«Юрий Васильевич бүгін түнде аураханада қайтыс болды. Қоштасу рәсімі Вахтангов театрында жасалады. Уақытын кейін анықтаймыз», - деді театр директоры Кирилл Крок.
Әртіс ретіндегі Юрий Яковлевтің еншісінде театр мен кинода 100-ден астам рөл бар. Солардың ішіндегі айрықша маңыздылары қатарына «Иван Васильевич кәсібін өзгертеді» фильміндегі Иван Грозныйдың, «Тағдыр тәлкегі немесе Жеңіл буыңызбен!» картинасындағы Ипполитті жатқызуға болады.
Юрий Яковлев — КСРО халық әртісі (1976), КСРО Мемлекеттік сыйлығының лауреаты (1979). Ол 1928 жылы 25 сәуірде Мәскеуде туған. 1952 жылы Щукин атындағы театр училищесін бітірген. 1955 жылдан бері киноға түсіп келеді. Оның бірінші рөлі «Нақұрыс» лентасындағы князь Мышкин болды.
Мұрат Айтқожа.
Дереккөз: РИА «Новости».
