Жұмыс ашық ұйымдастырылады

Құрамына салалық және жергі­лікті кәсіподақтар филиалдары төр­ағала­ры­ның, кәсіподақ белсенділерінің қата­ры­нан 16 мүше кіретін штабты «Ұстаз» қалалық жергілікті кәсіп­ода­ғының төр­ағасы Серікжан Байғұтдинов басқарады.

– Алдағы жылы 10 қаңтарда өтетін Парламент Мәжілісі мен мәслихаттар депутаттарының сайлауына байланыс­ты Кәсіподақтар федерациясы сайлауға байқаушы ретінде қатысу туралы өтініш жасады. Алдымызда екі міндет тұр. Біріншіден, жұмыс берушілердің өз қызметкерлеріне қысым жасамауы маңызды. Екіншіден, біз сайлау процесінің ел заңнамасына сәйкес өтуін қадағалауымыз керек. Біздің негізгі міндетіміз – осындай маңызды процес­те демократия құндылықтарының дамуын және адамның таңдау еркіндігін заң шеңберінде қамтамасыз ету. Сол себепті байқаушылардың ашық әрі адал жұмысын ұйымдастыру қажет.

Кәсіподақтар федерациясы сайлау про­цес­терінің ашықтығын және тіке­лей дауыс беру күнінде бақылауды то­лық қамтамасыз ететініне сенімді. Ал­маты қаласы бойынша аумақтық кәсіп­­одақтар бірлестігі бұл жұмысқа белсене қатысады. Бүгін қалада 507 сайлау учас­кесінде дауыс беру барысын қа­да­ға­лайтын 715 мүше ұйымнан 1014 тәуелсіз байқаушы тіркелді. Корона­вирус жағдайын ескере отырып, әр сайлау учаскесінде екі кәсіподақ өкілінен болады.

– Алматыдағы салалық және жер­­гілікті кәсіподақтардың барлық филиал­дары Кәсіподақтар федера­циясының алдағы сайлауға байқаушы ретінде қаты­су туралы үндеуін қол­да­ғаны маңызды. Біздің сайлау кезінде бай­қаушы ретінде тәжірибеміз жеткілікті. Сондай-ақ сай­лаудың қиын пандемия жағдайында өтетінін ескергеніміз жөн. Сол себепті процестің қауіпсіз, барлық санитарлық талаптарға сай өтуі­не ықпал етуіміз керек, – деп атап өтті С.Бай­ғұт­ди­нов.

Штаб кәсіподақ байқаушыларының жұмысын үш бағыт бойынша ұйым­дастырады. Бұл – оқыту, ұйымдастыру жұмысы және БАҚ-пен өзара іс-қимыл. Мұнда халықаралық байқаушылармен және шетелдік журналистермен кездесулер өтеді. Жоспарланған шаралардың бірі – аумақтық кәсіподақтар бірлестігі мүшелерінің қалалық ұйымдардың ұжымдарымен және жұмыс беруші­лерімен кездесулері.

Сайлаудың ашықтығын қамтамасыз ету үшін кәсіподақ байқаушылары арнайы дайындықтан өтеді. Штаб жанында байқаушылар мектебі жұмыс істейтін болады. Мұнда оқыту мен тренингтер онлайн форматта немесе барлық қауіп­сіздік шараларын сақтай отырып 50 адам­­ға өтеді. Тәжірибелі дәріскерлер бай­­қау­­­шыларды «Сайлау туралы» заңмен та­ныстырып, құқықтары мен мін­дет­­терін түсіндіреді. Сондай-ақ олар­мен пан­демия кезіндегі сақтық шарала­ры бо­йынша түсіндіру жұмыстары жүргі­зіледі.