Оның айтуынша, қазір бұл зауыт бруцеллезге, дерматитке, құс тұмауына қарсы вакцина шығарады. Бұл жануарлар мен адамдардың иммунитетін көтеруге байланысты дәрілер.
«Жыл соңына дейін зауытта барлық құрылыс жұмыстары аяқталады, қаңтар-ақпаннан бастап қажетті жабдықтарды, құрылғыларды, желілерді және т.б. монтаждау басталады. Жоспар бойынша наурыз айында клиникалық зерттеулердің үшінші кезеңі аяқталып, вакцина шығарыла бастайды. Қуаты жылына 30-дан 60 млн дозаға дейін болады. Биологиялық қауіпсіздікті қамтамасыз етуге келетін болсақ, ғылыми-зерттеу институты тарапынан халықаралық талаптарды ескере отырып, барлық қажетті жағдайлар жасалған. Барлық шарттар ескерілген. Ең бастысы - вакциналарды сақтау, екіншісі - тасымалдау және оны дайындау, шығару кезіндегі институт қызметкерлерінің қауіпсіздігі», - деп атап өтті Сапарбаев.
