Бағдарламалар • 03 Желтоқсан, 2020

Юнус Эмре түрік мәдениет орталығы өлең оқудан байқау өткізеді

725 рет
көрсетілді
2 мин
оқу үшін

16 желтоқсан бауырлас ел Қазақстанның тәуелсіздік мерекесіне орай Нұр-Сұлтандағы  Юнус Эмре атындағы түрік мәдениет орталығы "Отан және Тәуелдсіздік" тақырыптарына арналған мәнерлеп өлең оқу жарысын ұйымдастырады, деп хабарлайды Egemen.kz

Юнус Эмре түрік мәдениет орталығы өлең оқудан байқау өткізеді

Түркия – егемендікке қол созған Қазақстанның тәуелсіздігін таныған тұңғыш мемлекет. 1991 жылдан бастап екі ел арасында барлық салада байланыстар орнап, қарқынды түрде дамып келеді. Бауырлас екі ел Түркия мен Қазақстан карантин жағдайында да бір-біріне қолұшын созып, көпжақты қарым-қатынастарын босаңсытпады. COVID-19 індетіне байланысты жарияланған карантин Юнус Эмре түрік мәдениет орталығының да жұмыс жағдайын өзгертті. Осы себепті орталық мәдени шараларын "жаңа жағдайдың" форматы онлайн режимде өткізуде. Орталық Қазақстанның қоғамдық өміріндегі атаулы оқиғалар мен мерекелерге  үнемі белсене атсалысып келеді.  16 желтоқсан Қазақстанның тәуелсіздік мерекесіне орай жастары 16-дан жастан асқан  елордада тұратын Қазақстан азаматтары қатыса алатын мәнерлеп өлең оқу сайысын өткізуді жоспарлап отыр. Сайыстың мақсаты індет жағдайында азаматтардың белсенділіктерін арттыру, көркемсөз оқу шеберлігіне баулу, әдеби шығармалардың танытылуына үлес қосу және адамдарға әдемі көңіл күй сыйлау болып табылады.

Қатысушылар өлеңдерді 1 минуттан аспайтындай видео форматында түрік мәдениет орталығының электрондық поштасына ([email protected]) 6 желтоқсанға дейін жолдаулары тиіс.

Қазылар алқасы тарапынан іріктеліп алғашқы ондыққа енген  өлеңдер орталықтың фейсбук парақшасында (Nur-Sultan Yunus Emre Enstitüsü @yeenursultan) 7-13 желтоқсан  аралығында бөлісіледі. Ең көп дауыс алған үш өлең  жүлдеге ие болады. Байқаудың қорытындасы 14 желтоқсанда жарияланады.

Мәнерлеп өлең оқу байқауына қатысып алғашқы үштікке енгендер арнайы  жүлдеге ие болады. Бас жүлдеге ие болғандар 1 деңгей (144 сағат) ақысыз,  2 орын %50 жеңілдікпен, ал 3 орынға ие болғандар %30 жеңілдікпен 1 деңгей түрікше курсқа қатысып, сертификат ала алады.

Соңғы жаңалықтар

Су үнемдейтін қондырғы

Технология • Кеше