![Қазақстан мен Польша арасындағы ынтымақтастық талқыланды](/media/2020/12/09/d98f4378ee518570ed6dd67f553fc7ac_original.64128.jpg)
Келіссөздер барысында тараптар екіжақты форматтағы және халықаралық ұйымдар шеңберіндегі Қазақстан мен Польша арасындағы қарым-қатынастардың ахуалы және даму келешегін талқылады. Саяси, сауда-экономикалық және мәдени-гуманитарлық ынтымақтастықты кеңейтуге, сондай-ақ өңіраралық өзара іс-қимыл мүмкіндіктеріне ерекше назар аударылды. Өңірлік және жаһандық күн тәртібінің ағымдағы мәселелеріне қатысты жан-жақты және тиімді пікір алмасты.
Делегация басшылары «COVID-19» пандемиясының салдарын еңсеру бойынша өзара тиімді көмек пен бірлескен күш-жігерді атап өтті. Кездесу қорытындысы бойынша Қазақстан мен Польшаның сыртқы саяси ведомстволары арасындағы өзара қызығушылық тудыратын барлық салалардағы екіжақты әріптестікті одан әрі дамытуға бағытталған диалогты жалғастыру туралы уағдаластыққа қол жеткізді.