6 желтоқсанда Қызылорда қалалық Полиция басқармасына қала тұрғыны хабарласып, биылғы жылдың қыркүйек айында таныс әйелдің оған кірпіш сатып алуға көмектесуге уәде бергені, алайда 1 000 000 теңгесін алғаннан кейін зым-зия жоғалып кеткені туралы шағымданған.
Қызылорда қалалық ПБ қызметкерлері өткізген жедел-іздестіру іс-шараларының нәтижесінде осы қылмысты жасаған облыс орталығының 1987 жылы туған тұрғыны құрықталды. Ол өзінің алаяқтық әрекеттерін толығымен мойындады.
Қазіргі уақытта оған қатысты Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде.
