Ананың жазбасын оқығаннан кейін аудандық полиция бөлімінің қызметкерлері аз ғана уақыттың ішінде жоғалған ұлын тауып берді. Анасының айтуына қарағанда, 41 жастағы ұлының бұрын үйге келмей қалған кезі болмапты. Сол себепті де ана жүрегі елегізіп, әлденеге алаңдаған. Іздеп шығуға өзінің шамасы болмаған соң полиция бөліміне құлаққағыс етіп, көмек сұраған. Жағдайды бірден түсінген полиция қызметкерлері келіп мән-жайды білген соң қарт ананың жоғалып кеткен ұлын іздеуге жұмыла кіріскен.
Жедел әрі сауатты іс-әрекеттерінің арқасында із-түзсіз жоғалған ер адам бір тәуліктің ішінде табылды. Ұлының амандығы туралы анасына бірден хабарланды. Қуанышы қойнына сыймаған ана Астрахан аудандық полиция бөлімінің қызметкерлері, полиция капитандары Сәлімжан Ержанов, Аязбек Тайшыбаев, лейтенант Аслан Қалмұқановтарға ақ алғысын жаудырды. Былай қарағанда, сонша күрделі де іс емес, бірақ қарапайым адамдардың жанайқайына жіті назар аударып, көмек қолын созу және одан нәтиже шығару айтарлықтай дүние.
Ақмола облысы
