Мемлекет басшысының жарлығымен "АрселорМиттал Теміртау" АҚ атқарушы директоры Вадим Басин (Теміртау қаласы) және "Еуроазия энергетикалық корпорациясы" АҚ "Восточный" кенішінің машинисі Мұрат Қайыргелдин (Екібастұз қаласы) жоғары дәрежелі ерекшелік белгісі – "Қазақстанның Еңбек Ері" атағын алды.
Қасым-Жомарт Тоқаев оларды Қазақстан Републикасын экономикалық дамытудағы және өндірістік қызметтегі аса үздік жетістіктері үшін марапаттады.
Сондай-ақ, айрықша ерекшелік белгісі – Алтын жұлдыз бен "Отан" ордені тапсырылды.
Жарлық қол қойылған күнінен бастап қолданысқа енеді.
