Зауыт жұмыс істей бастағаннан бері 128 тоннадан астам алтын өндірілді. Зауыт өнімінің негізгі көлемі еліміздің алтын-валюта резервін толықтыруға бағытталған.
«Зауытты одан әрі дамыту өндірілетін алтын шығару көлемін ұлғайтуды, бағалы металдар қозғалысын есепке алу мақсатында процестерді автоматтандыруды, сондай - ақ қатты өнеркәсіптік қалдықтарды қайта өңдеуді және аяқталмаған өндірісті азайтуды көздейді», деді «Тау-Кен Самұрық» ҰТК» АҚ Басқарма төрағасы Қанат Құдайберген.
Естеріңізге сала кетейік, жеке аффинаж өндірісінің стратегиялық маңыздылығын Тұңғыш Президент-Елбасы Нұрсұлтан Назарбаев атап өтті. 2011 жылы индустриялық-инновациялық форум барысында Нұрсұлтан Назарбаев елордада алтын өндіретін зауыт салу туралы тапсырма берді. «Тау-Кен Алтын» аффинаж зауытының құрылысы 2012 жылдың 3 шілдесінде басталды, 2013 жылдың желтоқсанына қарай кәсіпорын өз өнімін шығара бастады.
