Білім • 29 Желтоқсан, 2020

Қазақстан Республикасы Білім және ғылым министрінің 2020 жылғы 25 желтоқсандағы №542 бұйрығы

2090 рет

көрсетілді

5 мин

оқу үшін

2020 жылғы ғылым саласындағы атаулы сыйлықтарды және мемлекеттік ғылыми стипендияларды тағайындау туралы

Егемен Aқпарат

Қазақстан Республикасы Білім және ғылым министрінің 2020 жылғы 25 желтоқсандағы №542 бұйрығы

«Ғылым саласындағы сыйлықтар мен мемлекеттік ғылыми стипендиялар туралы» Қазақстан Республикасы Үкіметінің 2011 жылғы 19 шілдедегі №830 қаулысына сәйкес және 2020 жылғы ғылым саласындағы сыйлықтарды және мемлекеттік ғылыми стипендияларды беру бойынша материалдарды қарау және шешімдерді дайындау жөніндегі конкурстық комиссияның қорытынды отырысының 2020 жылғы 20 желтоқсандағы № 2 шешімі негізінде БҰЙЫРАМЫН:

2020 жылы:

1) Ғылым саласындағы атаулы сыйлықтар:

жаратылыстану ғылымдары саласындағы үздік ғылыми зерттеуі үшін Қ.И.Сәтбаев атындағы сыйлық «ДЦ-60 ауыр иондар үдеткіші базасында кешенді зерттеулерді дамыту» тақырыбындағы жұмысы үшін келесі құрамдағы авторлар ұжымына – Әбдіраш Тасанұлы Ақылбековке, Алма Қабденқызы Даулетбековаға, Максим Викторович Здоровецке, Артем Леонидович Козловскийге («Л.Н.Гумилев атындағы Еуразия ұлттық университеті» КеАҚ);

жаратылыстану ғылымдары саласындағы үздік жұмысы үшін жас ғалымдарға арналған Д.А.Қонаев атындағы сыйлық «Практикалық қосымшалар үшін қазіргі заманғы плазмалық технологиялар негізінде наноқұрылымды материалдар алудың ғылыми негіздерін әзірлеу» тақырыбындағы жұмысы үшін келесі құрамдағы авторлар ұжымына – Сағи Амзейұлы Оразбаевқа, Дидар Ғалымұлы Батрышевке, Ерасыл Ерланұлына, Алмасбек Ұлыбекұлы Өтегеновке, Ерболат Әбутәліпұлы Үсеновке («әл-Фараби атындағы Қазақ ұлттық университеті» КеАҚ);

гуманитарлық ғылымдар саласындағы үздік ғылыми зерттеуі үшін Ш.Ш.Уәлиханов атындағы сыйлық «Алтыншоқы төбесіндегі Тимур белгісі» тақырыбындағы жұмысы үшін келесі құрамдағы авторлар ұжымына – Рымбек Мұратұлы Жұмашевке, Жамбыл Азмұханұлы Жұмабековке, Эмма Радикқызы Османоваға, Виталий Николаевич Фоминге («Е.А.Бөкетов атындағы Қарағанды университеті» КеАҚ);

педагогика саласындағы үздік ғылыми зерттеуі мен жұмысы үшін Ы.Алтынсарин атындағы сыйлық «Қазақ тіл білімінің философиялық әдістемілік мәселелері» тақырыбындағы жұмысы үшін Айтмұхамет Қасымбайұлы Трушевке («Торайғыров Университеті» КеАҚ);

түркология саласындағы аса зор жетістіктері үшін Күлтегін атындағы сыйлық «Palaeoturcica: ежелгі түрік руна хатының пайда болуы және жұмыс істеуі» тақырыбындағы зерттеуі үшін Абай Қайыржанұлы Қайыржановқа («Л.Н.Гумилев атындағы Еуразия ұлттық университеті» КеАҚ );

гуманитарлық ғылымдар саласындағы үздік жұмысы үшін жас ғалымдарға арналған М.О.Әуезов атындағы сыйлық «Болашақ мұғалімдердің рухани дүниетанымы» ғылыми жұмыстар циклі» үшін Ботагөз Жаппарқызы Паридиноваға («Қызылорда «Болашақ» университеті» ЖШС);

2) мемлекеттік ғылыми стипендиялар осы бұйрыққа қосымшаға сәйкес ғалымдарға берілсін.

Қазақстан Республикасы Білім және ғылым министрлігінің Ғылым комитеті (бұдан әрі – Ғылым комитеті) (Құрманғалиева Ж.Д.):

1) атаулы сыйлықтарды Қазақстан Республикасы Білім және ғылым министрлігінде ғылым саласындағы атаулы сыйлықтар мен мемлекеттік ғылыми стипендияларға көзделген бюджеттік қаражат шегінде 2020 жылғы желтоқсаннан бастап 2021 жылғы қараша аралығы кезеңінде төлеуді қамтамасыз етсін;

2) осы бұйрықты республикалық баспа басылымдарында жарияласын және Қазақстан Республикасы Білім және ғылым министрлігінің және Ғылым комитетінің интернет-ресурстарында орналастырсын.

Осы бұйрықтың орындалуын бақылау жетекшілік ететін Қазақстан Республикасының Білім және ғылым вице-министріне жүктелсін.
Осы бұйрық қол қойылған күнінен бастап күшіне енеді.

Қазақстан Республикасының Білім және ғылым министрі А.АЙМАҒАМБЕТОВ

Қазақстан Республикасы Білім және ғылым министрінің 2020 жылғы «25» желтоқсан №542 бұйрығына қосымша

Мемлекеттік ғылыми стипендиялар тағайындалатын ғалымдардың тізімі

Жетекші ғалымдар