Әлем • 06 Қаңтар, 2021

Шварценеггер Трамптың сайлау нәтижелеріне қарсылығын «бассыздық» деп атады

54 рет көрсетілді

Голливуд актері, Калифорнияның бұрынғы губернаторы Арнольд Шварценеггер президент Дональд Трамптың сайлау нәтижелеріне қарсы тұру әрекетін «бассыздық» деп атады, деп хабарлайды Egemen.kz

Шварценеггер Economist журналына берген сұхбатында: «Президенттік сайлауда кім жеңіске жеткеніне күмән жоқ. Бұл абсурдтың жалғасы – ақымақтық, бассыздық және зұлымдық», деп айтып өтті.

Айта кетейік, актер Аустрия елінде дүниеге келген. Ол 1938 жылы Аустрияның нацистік Германияға қосылып, кейіннен екінші дүниежүзілік соғыстың қиян-кескі зардаптарын көргенін еске алды. Сондықтан АҚШ-тың бүгінгі саяси жағдайына алаңдаушылығын білдірді.

«Мен бүгін өз елім үшін қатты уайымдаймын.  Мен иммигрант ретінде, америкалық және республикалық ретінде сөйлеуге міндеттімін. Демократиядан бас тартқан және соның ауыр салдарынан жапа шеккен елде, қирандылардың арасында өстім», деп толықтырды Шварценеггер.

Еске сала кетейік, ресми мәліметтерге сәйкес демократиялық партияның мүшесі Джо Байден президенттік сайлауда жеңіске жетті. Сөйте тұра, қазіргі президент Дональд Трамп жеңілісті мойындамай отыр.

Соңғы жаңалықтар

Ұлттың ұлы ұстазы

Руханият • Бүгін, 21:46

Ілім адамға не үшін қажет?

Руханият • Бүгін, 16:00

«Указной молда»: Ол кім?

Руханият • Бүгін, 15:25

Доллар қайта қымбаттап жатыр

Экономика • Бүгін, 11:44

Ұқсас жаңалықтар