Оқиға • 06 Қаңтар, 2021

Нұр-Сұлтан қаласында жатақхана өртенді

46 рет көрсетілді

Бүгін, яғни 6 қаңтар сағат 20:57-де Нұр-Сұлтан қаласы ТЖД Өрт сөндіру бөлімшелеріне Медеу көшесі, 24 мекен-жайы бойынша ғимарат жанып жатқаны туралы хабар түсті, деп хабарлайды Egemen.kz Нұр-Сұлтан қаласы ТЖД баспасөз қызметі таратқан ақпаратқа сілтеме жасап.

22 адам және 4 техникадан тұратын жеке құрам шақырылған жерге барынша жедел жетті. Өрт сөндірушілер келген бойда жатақхана ретінде жабдықталған бір қабатты мансардалы 20 бөлмелі жеке үй жанып жатқаны анықтаған. Өрт салдарынан ғимараттың төбесі опырылып түсті.

Елордалық өрт сөндірушілердің жедел, кәсіби іс-әрекеттерінің нәтижесінде тілсіз жау 30 минутта ауыздықталып, сағат 21:39-да толық сөндірілді. Өрт сөндірушілер келгенге дейін тұрғындар өз бетімен эвакуацияланды және қазіргі уақытта туысқандарының үйлеріне орналастырылды. Қаза болғандар мен зардап шеккендер жоқ. Алдын ала болжам бойынша өрттің аумағы 80 шаршы метрді құрайды.

Нұр-Сұлтан қаласы ТЖД азаматтарды өрт қауіпсіздігі ережелерін жауапкершілікпен сақтауға, сақ болуға және өртті сөндіруден гөрі алдын алу әлдеқайда оңай екенін есте ұстауға шақырады.

"Балаларды қараусыз қалдырмаңыз, төсекте темекі шекпеңіз, тұрмыстық және басқа техниканы пайдалану жөніндегі нұсқаулықты сақтаңыз, электр сымдарының оқшаулағышы зақымданған құралдарды пайдаланбаңыз", - делінген Нұр-Сұлтан қаласы ТЖД баспасөз қызметі таратқан хабарламада.

Соңғы жаңалықтар

СҚО «қызыл аймаққа» енді

Аймақтар • Бүгін, 21:33

Инфляцияның беті қайтпай тұр

Экономика • Бүгін, 20:00

Ұқсас жаңалықтар