Елбасы • 10 Қаңтар, 2021

Нұрсұлтан Назарбаев елордадағы сайлау учаскесінде дауыс берді

297 рет
көрсетілді
1 мин
оқу үшін

Қазақстанның Тұңғыш Президенті – Елбасы Нұрсұлтан Назарбаев «Астана Опера» театрында орналасқан №115 сайлау учаскесінде дауыс берді, деп хабарлайды Egemen.kz

Нұрсұлтан Назарбаев елордадағы сайлау учаскесінде дауыс берді

Сайлау учаскесінің төрағасы Марат Мусиннің айтуынша, учаскеде 3 592 сайлаушы тіркелген.

«Учаске уақытында ашылып, сағат 07:00-ден бастап тұрғындар дауыс беруге келіп жатыр. Дауыс беруге келу қарқыны жақсы. Сайлау учаскесіндегі барлық рәсімдер заңнамаға сәйкес іске асырылды», - деді учаске төрағасы.
Учаскеге сағат 06:00-ден бастап байқаушылар және БАҚ өкілдері келді. Таңертеңнен бері байқаушылар тарапынан ескертулер боған жоқ деді ол.

Учаскеде дауыс беру залы орталық холда орналасқан. Сайлаушыларды негізгі кіреберістен кіргізіп жатыр. Ол жерде алдымен күзет қызметінің тексерісінен өту керек.

Одан кейін ішке қарай кіруге рұқсат бар. Сайлау учаскесінің мүшелері шыны тосқауылдың арғы жағында отырады. Ал бюллетендерді астынан береді. Бұл - сақтық шаралары.

Еске сала кетейік, елімізде Парламенті Мәжілісі мен мәслихат депутаттарын сайлау басталды. Қазақстан бойынша 10 061 сайлау учаскесі жұмыс істеп тұр. Тұтастай сайлаушылардың саны 11 млн 820 мың адамды құрайды. Нұр-Сұлтан уақыты сағат 10.00 бойынша электораттың 11,6% дауыс беріп үлгерді.