Аймақтар • 10 Қаңтар, 2021

Алматыда сайлаушылар белсенділігі неге төмен?

71 рет көрсетілді

Алматыда сайлау учаскесіне келіп жатқан азаматтар саны айтарлықтай көп емес. Жалпы қалалық баспасөз орталығында брифинг өткізген Алматы қалалық қоғамдық кеңесінің мүшелері осы мәселеге және сайлау барысына байланысты пікірлерін білдіріп, сайлау учаскелеріндегі қауіпсіздік талаптарын бағалады, деп хабарлайды Egemen.kz

Қалалық адвокаттар алқасы төралқасының мүшесі Нұрлан Жазылбековтың айтуынша, шаһардағы учаскелерде сайлау заңнамасы талаптарының бұзылуы байқалмайды.

– Өзім №131 участкеде дауыс бердім. Ол жердегі дайындыққа, көрсетілген қызметке тағар мінім жоқ. Бірнеше күннен бері сайлауға дайындықтың қалай жүріп жатқанын байқап жүрдік. Бүгін де сайлау участкелерінде болдық және ондағы сайлаудың заң талаптары аясында болып жатқанына көз жеткіздік. Әрине, пандемияға байланысты қиындықтар бар. Бірақ жоғары деңгейдегі дайындықтың арқасында сайлау заңнамасы талаптары да, санитарлық талаптар да қатаң сақталып жатыр. Сондықтан сайлаушылар ештеңеге алаңдамай өздері тіркелген сайлау учаскелеріне келсе болады, – деді Жазылбеков.

Спикердің айтуынша, осы сайлауда партиялар демократиялық жолды таңдай білді.

– Халықты қызықтырғаны – сайлауға қатысатын партиялардың өз кандидаттарын демократиялық жолмен таңдағаны. Кей партиялар праймеризді таңдады. Алдағы уақытта өзге партиялар да нағыз лайықты тұлғаларды іріктеп шығаратын осы жолды таңдайды деп ойлаймын. Бұл біздің еліміздің эволюциялық дамуына серпін береді. 31 мемлекет бақылаушы ретінде еліміздегі сайлауды қадағалап отыр, – деді Алматы қалалық қоғамдық кеңесінің мүшесі.

«Алматы көпір құрылымдары зауыты» ЖШС директоры Ахметжан Шардиновтың айтуынша, бүгін азаматтық белсенділік танытатын күн.

– Бүгін ауа-райы да керемет болып тұр. Отбасымызбен, балаларымызбен Медеу ауданында орналасқан №412 сайлау учаскесіне барып дауыс бердік. Ол жердегі ерекше жоғары деңгейдегі дайындықты атап өткім келеді. Барлық санитарлық талаптар сақталған. Арнайлы нұсқаулықтар ілініп, санитайзер, маскамен қамтамасыз етілген. Бақылаушылар да көп. Бүгін азаматтық белсенділік танытатын күн. Халық татулық, ұлтаралық келісім және Қазақстанның әрі қарайғы дамуы жолындағы әділ таңдауын жасайды деп сенемін, – дейді Шардинов.

Ал Еуразиялық франчайзинг қауымдастығының басшысы Бекнұр Қисықов өз кезегінде халықтың учаскелерге ағылып келмей жатқанына байланысты пікірін білдірді.

– Бірнеше сайлау учаскелеріне барып келдік. Бақылаушылар көп екені байқалады. Бірқатар учаскеде адам онша көп емес екен. Бұл енді бір жағынан жақсы. Адамдар еркін дауыс беріп кетіп жатыр. Бүгін – жексенбі, сондықтан түстен кейін халық көптеп келе бастайды деп ойлаймын. Кешкі сағат 8-ге дейін азаматтардың келіп дауыс беруіне мүмкіндік бар. Тұрғындар сол мүмкіндіктерін тиімді пайдаланады деп күтемін. Жалпы, елімізде осы сайлауға ерекше мән беріліп отыр. Әлеуметтік желіні ашсақ та, БАҚ-ты қарасақ та бұл сайлауға деген бақылаушылардың ғана емес, сайлаушылардың да ықыласының ерекше екенін аңғарамыз. Өйткені біз ел дамуы жолында аса маңызды саналатын белгілі бір эволюциялық қадам жасап жатырмыз. Мұны біздің азаматтарымыз жақсы түсініп отыр, – деді Бекнұр Қисықов.

Соңғы жаңалықтар

Балқашта ауа сапасы нашарлайды

Экология • Бүгін, 09:57

UFC-ге қайта оралмақ

Спорт • Бүгін, 08:49

«Жұлдыз» жарқыраған сәт

Аймақтар • Бүгін, 08:47

Электр күбі жасады

Оқиға • Бүгін, 08:45

Өңірдің даму қарқыны артты

Экономика • Бүгін, 08:40

Мухинаның соңғы сальтосы

Спорт • Бүгін, 08:29

Алтайдың кербез маралы

Руханият • Бүгін, 08:23

«Ұлдардың» ұлағаты

Руханият • Бүгін, 08:21

Қолжазбаны оқитын қосымша

Оқиға • Бүгін, 08:11

Ұлы даладағы ұлы апат

Руханият • Бүгін, 08:07

Екі ауыз сөзді ежіктеп...

Қоғам • Бүгін, 08:03

Ұлықтайтын адамдарды ұмытпайық

Руханият • Бүгін, 07:56

Қайта өңделген алюминийге мұқтаж

Экономика • Бүгін, 07:43

Ескі техникадан құтылудың жолы

Экономика • Бүгін, 07:42

Теңге тербелмей ме?

Қаржы • Бүгін, 07:41

Ел пікірі ескерілді

Пікір • Бүгін, 07:33

Жастарға үміт сыйлады

Пікір • Бүгін, 07:32

Көкейдегіні дөп басқан

Пікір • Бүгін, 07:26

Ұқсас жаңалықтар