Аймақтар • 10 Қаңтар, 2021

Атырауда дауыс берушіге шұбат пен бауырсақ ұсынады

632 рет
көрсетілді
1 мин
оқу үшін

Атырау қаласындағы «Сенім» элитарлық мектеп-балабақша кешенінде №7 сайлау учаскесі орналасқан. Учаскелік комиссия төрағасы Айнагүл Ахметованың ақпаратына қарағанда, мұнда 2 691 сайлаушы тіркеліпті, деп хабарлайды Egemen.kz

Атырауда дауыс берушіге шұбат пен бауырсақ ұсынады

«Біздің сайлау учаскесінде тіркелген ең қарт сайлаушы Надимулла Ғабдуриннің жасы – 92-де.  Жасының егделігіне байланысты бұл сайлаушының дауыс беруі үшін сайлау жәшігі үйіне жіберілді. Ал таңғы сағат 7.00-де 62 жастағы Кенжебай Дүйсенғалиев алғашқы болып таңдауын жасады. Оған арнайы сыйлық берілді. Сондай-ақ мұндай мүмкіндікке 18 жасқа толып, ең алғаш дауыс берушілер де ие болды» дейді Айнагүл Мақсотқызы.

Аталған сайлау учаскесінде 9  байқаушы дауыс беру барысын бақылап отыр. Оның бірі –халықаралық байқаушы. Учаскеде санитарлық талаптар сақталған. Бір ерекшелігі, мұнда дауыс беруге келген сайлаушыларға шұбат пен бауырсақ ұсынады.