«Ұн өз өңірімізде өндірілсін, нанымыз көп болсын деген ниетпен кәсіп ашқан болатынбыз. Мемлекеттік және өңірлік бағдарламалар аясында жеңілдетілген несие алып, құрал-жабдықтар сатып алдық. Мұнда 70-тен астам қызметкер еңбек етеді. Бидай Солтүстік Қазақстан облысы мен Қостанай қаласынан тасылмалданады. Әкелінген дақылдардан ұн, кебек дайындалып, сұрыпталып, тазаланып, қапталып нарыққа шығарылады» кәсіпкер Ақжібек Бердібекова.
Қазіргі уақытта комбинатта ұнның 3 түрі өндіріледі. Зауыт ашылғалы облыс қажеттілігін қамтып келеді. Отандық өнімге көрші елдерден де сұраныс бар.
