Атырау облысы Төтенше жағдайлар департаменті қала және аудан әкімдіктеріне дауылды ескерту және қажетті шараларды қабылдау туралы ақпарат жіберіліп, ұялы байланыс операторлары арқылы халықты смс-хабарландыру таратылды.
2021 жылғы 14 қаңтарда Атырау қаласында екпіні секундына 18-19 метрге жететін желдің салдарынан тұрғын үй шатырларының ұшуы орын алып, олардың құлау қаупі адамдардың өміріне тікелей қауіп төндірді.
2021 жылғы 14 қаңтарда сағат 07:10-да Call-центр орталығына Атырау қаласы, Нұрсая шағын ауданында шатырдың құлау қаупі бар екені туралы хабарлама келіп түсті.
Шақырту орнына жеткен соң, қатты желдің салдарынан Нұрсая шағын ауданы №84 5 қабатты тұрғын үйдің 72 м2 (12х6) шатыр бөлігінің (жалпы ауданы 960м2 (80х12) ұшып, қайырылып, шатырдың қалған бөлігінің үстіне құлағандығы анықталды.
Оқиға орнында Атырау облысы Төтенше жағдайлар департаментінің жедел-құтқару жасағының құтқарушылары авариялық-құтқару жабдықтарының көмегімен бүлінген конструкцияларды нығайтып, қауіпті аймақты қоршады.
2021 жылғы 14 қаңтар күні сағат 08:22-де қатты желдің салдарынан (екпіні секундына 18 метр) Атырау қаласы Азаттық көшесіндегі 5 қабатты №77 тұрғын үй шатырының 16 шаршы метр бөлігі құлады (жалпы ауданы 1465,6 шаршы метр).
Құтқарушылар жедел түрде авариялық-құтқару жұмыстарын жүргізіп, алпинистік құрал-жабдықтарды пайдалана отырып, бүлінген шатырлардың конструкцияларын нығайтып, көлік жолына түскен шатырларды жинақтап, тұрғындардың өміріне төнген қауіпті дереу жойды.
Екі жағдайда қайтыс болғандар мен зардап шеккендер жоқ.