Хоккей • 19 Қаңтар, 2021

«Амурды» тізе бүктірді

95 рет
көрсетілді
1 мин
оқу үшін

Құрлықтық хоккей лигасында (ҚХЛ) бақ сынайтын елорданың «Барыс» командасы кезекті тур ойынын «Барыс-Аренада» Хабаровскінің «Амур» клубымен өткізді.

«Амурды» тізе бүктірді

Статистикалық мәліметтерге сүйенетін болсақ, тұрақты біріншіліктегі ең нәтижелі бәсеке Қазақстанның «Барысы» мен Хабаровскінің «Амур» командалары арасында өтеді екен. Бүгінге дейін екі команда мұзайдында 40-тан аса кездесу өткізсе, әр ойында кемінде үш шайба соғылған. Ұзаққа бармай-ақ, екі ұжым арасындағы кейінгі екі матчтың есебін алар болсақ, хоккейшілер 4 қаңтарда өткен алғашқы ойында – 9, 6 қаңтардағы бәсекеде 6 шайба соққан болатын. Міне, күні кеше елордадағы матчта көрермендер 5 голдың куәсі болды.

Кездесудің бірінші бөлігінде айдын иелері екі шайба соғып, үзіліске көтеріңкі көңіл күйде шықты. «Барыстың» екі голын да Никита Михайлис салды. Қазақстандық шабуылшы 22-минутта есеп ашса, 27-минутта дубльдің авторы атанды. Алайда жерлестеріміз екінші кезеңді сәтсіз бастады. Ойындағы басымдықты өз қолына алған «Амур» хоккейшісі Дмитрий Лугин (37-минут) есеп айырмасын қысқартса, үшінші 20 минутта Сергей Терещенко (46-минут) таразы басын теңестіріп кетті. Арада екі минут өткенде Никита Михайлис кездесудегі үшінші шайбасын соғып, бәсекенің нүктесін қойды. Қорытынды есеп – 3:2.

 

 

Соңғы жаңалықтар

Су үнемдейтін қондырғы

Технология • Кеше