Кеше Астанада «Қазақстан бокс федерациясының кубогы» республикалық турнирінің жартылай финалы өтті.
Кеше Астанада «Қазақстан бокс федерациясының кубогы» республикалық турнирінің жартылай финалы өтті.
Биылғы бәсеке ел боксының 80 жылдық мерейтойына арналып отыр.
Осы күні Астана қаласының және Оңтүстік Қазақстан облысының командалары жартылай финалда кездесіп, 6:5 есебімен ұтты. Екінші жартылай финалда Қарағанды облысы және Маңғыстау облысының боксшылары шаршы алаңға шықты. Онда Маңғыстау облысы қарсыластарынан 7:3 есебімен басым түсті.
Тағы бір айта кететін нәрсе, «Қазақстан бокс федерациясының кубогы» республикалық турнирінің жартылай финалы кезінде алғаш рет үш салмақ дәрежесі бойынша әйелдер арасындағы жекпе-жектер өтті. Бокс федерациясының хабарлауынша, келесі турнирде әйелдер құрамасы ерлер құрамасымен бірге тең дәрежеде өнер көрсететін болады.
Бүгін сағат 15.00-де Астана қаласы мен Маңғыстау облысы командаларының арасында финалдық кездесу өтеді. Финалдан соң Қазақстан бокс федерациясының ең үздік номинациялары бойынша биылғы жылдың жеңімпаздары мен бокс ардагерлері марапатталады.
«Егемен-ақпарат».
