Аймақтар • 25 Қаңтар, 2021

Оралда жоғалып кеткен бала көршісінің үйінен табылды

106 рет
көрсетілді
1 мин
оқу үшін

Орал қаласында жоғалып кеткен жеті жасар бала табылды, деп хабарлайды Egemen.kz

Оралда жоғалып кеткен бала көршісінің үйінен табылды

БҚО полиция департаментінің баспасөз қызметі мәлім еткеніндей, оқиға 24 қаңтар күні Ескі әуежай ауданында орын алыпты. Жеті жасар бала шамамен сағат 14.00-де үйінен шығып кеткеннен қайта оралмаған. Үлкен ұлы кішкентайынан өзі дербес жүріп үйренгендіктен, анасы күдіктене қоймапты. Тек кеш түсіп, баласы келмегеннен кейін сағат 19.23-те полицияға шағымданған. Әйел ұлын өзі іздеуге мүмкіндігі болмаған. Өйткені жолдасы ұзақ уақыт бойы вахталық әдіспен жұмыс істейтіндіктен, 32 жастағы әйел үш баласына көбіне өзі бас-көз болып келіпті. Полицияға шағым түскен бойда ювенальды полиция бөлімшесінің жеке құрамы аяғынан тік тұрды.

БҚО полиция департаментінің барлық бөлімшелеріне, еріктілерге бағыт берілді. Іздестіру шаралары барысында ювенальды полиция бөлімшесінің инспекторы, полиция капитаны Самат Спашев бір сағаттай уақыт өткен соң жоғалған баланың қайда жүргенін анықтады.

Мәселенің мәнісі былай болып шықты. Аталған отбасы Ескі әуежай ауданында жеке үй жалдағанына көп болмаған. Сондықтан көршілерімен танысып үлгермеген. Ал ұлдары олардың балаларымен араласып жүргендіктен, сол себепті ата-аналары жоқ кезде үйлеріне шақырған.

Бала көршілердің үйінде күні бойы ойнаған. Полиция қызметкері табылған баланы анасының қолына тапсырды.



Соңғы жаңалықтар

Су үнемдейтін қондырғы

Технология • Кеше