Әлем • 25 Қаңтар, 2021

Израиль Әбу-Дабиде өз елшілігін ашты

187 рет
көрсетілді
1 мин
оқу үшін

Біріккен Араб Әмірліктерінің астанасында Израиль елшілігі ашылды. Бұл - өткен жылы елдер арасындағы қарым-қатынасты толық қалпына келтіру туралы келісімнің нәтижесі, деп хабарлайды Egemen.kz

Израиль Әбу-Дабиде өз елшілігін ашты

24 қаңтарда Абу-Дабиде Израиль елшілігі БАӘ-ге дипломатиялық миссияның басшысы Эйтан Наэнің келуімен қатар ашылды, деп хабарлады Израиль Сыртқы істер министрлігі.

Мәлімдемеде атап көрсетілгендей, «Израильдің Біріккен Араб Әмірліктеріндегі елшілігі елдер арасындағы байланыстың дамуына ықпал етеді», дейді  Израильдің Түркиядағы бұрынғы елшісі Эйтан Наэ. Дипломат БАӘ-де уақытша сенімді уәкіл мәртебесіне ие болады.

Сондай-ақ 24 қаңтарда Әмірліктердің билігі Тель-Авивте елшілік ашуға рұқсат берген болатын. Бір апта бұрын Израиль премьер-министрі Биньямин Натаньяхудың ақпан айында Біріккен Араб Әмірліктеріне баратыны белгілі болды. Израиль үкіметі басшысының сапары елдер арасындағы қатынастарды қалыпқа келтіру туралы келісімдерге қол қойылғаннан кейінгі алғашқы сапар болмақ.



Соңғы жаңалықтар

Су үнемдейтін қондырғы

Технология • Кеше