Негізгі өзгерістердің бірі - Бірыңғай ақпараттық жүйенің жұмысын реттеу, құжаттарды сақтау мен есепке алу үшін электронды мұрағат қалыптастыру ережелерін қалыптастыру болып табылады.
Цифрландыру бағытындағы өзгерістер нотариалдық қызметке де әсер етеді. Тіркеу жұмыстары жеңіл әрі тиімді өтуі үшін электрондық құжаттар қағаз құжаттармен тең деңгейде қарастырылуы қажет болады. Мұның бәрі қазіргі заманғы цифрлық технологияларды қолдануға және нотариат туралы заңнамадағы құқықтық олқылықтарды жоюға мүмкіндік береді.
«Түзетулер нотариат саласындағы заңнаманы одан әрі жетілдіру үшін, жеке және заңды тұлғалардың құқықтары мен мүдделерін қорғаудың жүйесін қамтамасыз ету мақсатында әзірленді», - деді комитет төрағасы Владимир Волков.
Түзетулер қабылданғаннан кейін нотариат қызметінің тиімділігі және саладағы заңдылықтың сақталу деңгейі артады деп күтілуде.
Заң жобасы Парламент депутаттарының бастамасымен әзірленген болатын.
