Чехияда BRNO OPEN-2013 халықаралық турнирінде Қазақстанның жас талантты шахматшы қызы Жансая Әбдімәлік жеңімпаз атанды.
20 жасқа дейінгі қыздар арасынан әлемнің вице-чемпионы деген атағы бар қызымыз турнирде 7,5 ұпай жинады. Ол осының нәтижесінде әлемнің 14 елінен 70-ке жуық спортшының арасынан үздік шықты. Бұлардың арасында 6 халықаралық дәрежедегі және 5 ФИДЕ шебері болды.
Жарыста мүмкін болған 9 ұпайдың 7,5-ін иеленген Жансая, сонымен бірге, тағы бір нормативті де орындады. Осы көрсеткіші арқылы ол енді ересек әйелдер арасында гроссмейстер атануға мүмкіндік алды.
– Менің әйелдер арасында әлем чемпионы атанғым келеді. Қазіргі уақытта мен өзімді жеңіске дайындап жүрмін. Жасым 15-ке толғанша оны бағындырсам деймін, – дейді ол.
Дамир ҚОЖАМҚҰЛ.
