Шеберлік сағаты дәрістер сериясын және микрохирургиялық дағдыларды талап ететін бірқатар күрделі операцияны жүргізуге және ауыз қуысының шырышты қабығын қолдану арқылы алмастырғыштарды жасауға бағытталған.
Өкінішке қарай, Қазақстанда әртүрлі патологиялардан зардап шегетін және күрделі реконструкциялық операцияларға мұқтаж пациенттер көп.
– Шын мәнінде, бұл андрология және үрпі мен жыныс мүшесіне жасалатын операциялармен байланысты өте өзекті және маңызды мәселе, – дейді Президенттік клиниканың уролог дәрігері Бақтияр Қасымов. – Айта кету керек, біздің «андрологиялық» ортамызда бұл аспект онша дамымаған. Біз мұндай пациенттерге хирургиялық операциялардың толық арсеналын ұсыну деңгейіне жетпедік.
Нұр-Сұлтанға келгеннен кейін Павел Сергеевич шеберлік сыныбы үшін көптеген жағдайы күрделі пациенттерді іріктеп алғанын, кейіннен оқыту нәтижесіне оң әсер еткенін атап өтті.
– Мұндай пациенттер неғұрлым көп болса, дәрігерлердің түрлі әдістемелер мен операциялық араласулардың вариацияларын көру мүмкіндігі соғұрлым жоғары болады, – деді ол.
Осылайша, шеберлік сыныбы барысында бірқатар күрделі операция жүргізілді, оның кейбірі Нұр-Сұлтанда алғаш рет өткізіліп отыр.
Пациенттердің бірі – несеп шығару жолы тарылған ер адам болды.
– Жақында біз үрпісі шамамен 15 см-ге тарылған пациентке операция жасадық, дейді Павел Сергеевич. – Ер адамның туа біткен үрпі патологиясы болған. Бала кезінде оған операция жасап, сыртқы қабаты түкті ұма терісі пайдаланылған. Кейіннен түктерде тастар пайда болып, олар пациенттің зәр шығаруына кедергі келтірген. Бұл жағдайды түзету және науқастың өмір сүру сапасын жақсарту үшін, біз жіңішке жамбас бұлшықеті мен ауыз қуысының шырышты қабығын қолдана отырып, реконструкция жасадық.
Дәрігердің айтуынша, бұл әдістер жергілікті тіндер болмаған кезде қан айналымды және үрпі түтігін жеткілікті ету үшін қолданылады. Сондай-ақ, Бақтияр Ғалиұлы туа біткен аурудың гипоспадиясынан зардап шеккен пациент туралы әңгімеледі.
– Бұл патология үрпі тесігінің дұрыс орналаспауымен сипатталады, – дейді дәрігер. Пациент несеп жолының жыныс мүшесінің басында емес, діңінде орналасқандығынан зардап шеккен.
Пациент бұл операцияны бала кезінде жасау керек болғаны, бірақ түрлі себеппен кейінге қалдырыла бергенін еске алды.
– Биыл осы қадамға бел байлап, Бақтияр Ғалиұлына жүгіндім. Маған портал арқылы тегін операция жасады, деді пациент.
Қазіргі уақытта барлық пациенттер қалпына келу сатысынан өтіп жатыр. Олар операциядан кейінгі кезеңде мұқият және жіті бақылауды қажет етеді.
– Қазіргі кезде біздің өз көзімізбен көруге, қандай озық технологиялар пайдаланылып жатқанын білуге және халықаралық ұсыныстарды қолдануға тамаша мүмкіндігіміз бар. Шеберлік сыныптың ұзақ мерзімді перспективасы – Қазақстандағы барлық мұқтаж пациентке қолжетімді және жоғары сапалы медициналық көмек көрсету үшін хирургияның осы бағытын дамыту қажет. Біз осындай аурулардан зардап шегетін науқастарға шетелге бармай, өз елімізде толық көмек көрсетуге қабілетті орталыққа айналғымыз келеді, – деп қорытындылады №4 хирургия бөлімшесінің меңгерушісі Ерлан Еңсебаев.
