Energyprom.kz дерегі бойынша, 2020 жылдың желтоқсан айында фильтрлі темекі бір жыл бұрынғы уақытпен салыстырғанда 14,9 пайызға қымбаттаған. Әсіресе , Атырау (бір жылда 20,9 пайыз), Жамбыл (20,3 пайыз), Алматы облыстарында (19,6 пайыз) қатты қымбаттау байқалған. Бір айда баға 0,7 пайызға қымбаттаған. Базарлар мен азық-түлік дүкендеріндегі бір қорап темекі бағасы 508 теңгеге жеткен.
2020 жылдың 11 айының қорытындысы бойынша жергілікті компаниялар темекі мен папирос сұранысын 75,2 пайызға қамтамасыз еткен. Импорт 7 есе, яғни, 5 млрд данаға дейін төмендесе, экспорт үлесі 13,4 пайызды құраған. Ішкі нарықтағы темекіні тұтыну көлемі де біршама азайыпты. 2020 жылдың қаңтар-қарашасы аралығында әрбір қазақстандық орта есеппен 1,5 мың дана темекі немесе папирос тартқан.
