![Дмитрий Медведев коронавирусқа қарсы екпе салдырды](/media/2021/02/01/form_photoreport_imageid_368776_1_6da2d499_d_850.jpg)
«Мен екі ай бұрын ресейлік вакциналардың бірін алдым», деді Дмитрий Медведев ресейлік БАҚ-қа берген сұхбатында. Ол белгілі бір препаратты «қандай да бір вакцина басқасынан жақсы деген сезім болмас үшін» атын атамайтынын түсіндірді.
«Вакцинацияның біраз әуресі бар: қан тапсыру керек, денеңіздің қандай күйде екенін және иммундық жағдайыңызды білуіңіз керек (бұл жасқа байланысты, жынысына байланысты, өкінішке орай, ер адамдарға бұл коронавирус инфекциясы ауыр тиеді)», деді кеңес төрағасының орынбасары.
«Біздің барлық вакциналарымыз тиімді және қабілетті, бірақ егер сіз біреуін таңдасаңыз, дәрігермен кеңесуіңіз керек», деді Медведев.
Д.Медведев вакцинацияның өте тыныш және еш салдарсыз өткендігі туралы бөлісті.
Естеріңізге сала кетейік, бүгін, 1 ақпанда Қазақстанда коронавирусқа қарсы жаппай вакцинация басталды. Алғашқы болып Қазақстанның Мемлекеттік санитарлық дәрігері Ерлан Қиясов пен денсаулық сақтау вице-министрі Ажар Ғиният ектірді. Ажар Гиният вакцина вирусқа қарсы алғашқы қорғаныс құралы екенін айтты. Қазақстанның Бас мемлекеттік санитарлық дәрігері Ерлан Қиясов қазақстандықтардың 50%-дан астамын локдаундарсыз өмірге оралу үшін егу қажет екенін түсіндірді.