«Кездесу барысында барлық санитария нормалары сақталды. Қала тұрғындарымен кездесулер, азаматтарды қабылдау, жұмыс сапарлары өзара байланысты айтарлықтай күшейтуге мүмкіндік береді. 2020 жылы Алматы ауданында көптеген жұмыс атқарылды. Мемлекет басшысы елорданың елді-мекендерін жоспарлы түрде дамытуды тапсырды. Мәселен, тек осы ауданның елді-мекендерінде 23 көше асфальтталды, ал еріген және жаңбыр суларын бұру үшін арықтар орнатылды. 24 көшеде жарықтандыру қалпына келтірілді, қаланы газдандыру бойынша жұмыстар жүргізілуде - 300 км газ тарату желілері салынды», дейді әкім.
Оның айтуынша 2020 жылы 21 мектеп пен 2 балабақша жөнделді, биыл тағы 9 білім беру нысанын жөндеу жоспарланып отыр. Сонымен қатар, Мичурино елді-мекенінде 3 мектеп салынды. Бұрын бұл елді-мекенде мектеп болған жоқ, балалар бейімделген бөлмеде оқыды.
ТКШ саласында да үлкен жұмыс жүргізілді: 19 үйде күрделі жөндеу жүргізілді, 80 үйде жылумен жабдықтау, сумен жабдықтау және кәріз жүйелері жөнделді.
«Қала тұрғындары 60-қа жуық мәселе көтерді: тұрғын үй алаптарын дамыту, әлеуметтік нысандар, жолдар салу, абаттандыру, апатты үйлерді бұзу, ТКШ жаңғырту және т.б. Тұрғындар көтерген мәселелер бақылауға алынды. Бұған дейін осындай кездесулерді Сарыарқа және Есіл аудандарында өткіздік», - деп жазды қала әкімі.
