Былтыр қазан айында «18 килогерц» көркем фильмі қазақ киносының тарихында алғаш рет 36-шы Халықаралық Варшава кинофестивалінің бас жүлдесін жеңіп алған болатын. Сондай-ақ кинотуынды Германияның Котбус қаласында өткен 30-шы Халықаралық кинофестивальде үздік деп танылды. Отандық кинокартина фестивальдің Youth Film Competition атты конкурстық бағдарламасына қатысқан болатын.
«18 килогерц» картинасы 90 жылдардың соңындағы жасөспірімдердің өмірінен сыр шертеді. Көркем фильм Зара Есенаманның «Хардкор» кітабының желісі бойынша түсірілген.
Режиссері әрі сценарий авторы – Фархат Шарипов. Басты рөлдерде – Мұсахан Жұмахан, Әлібек Әдікен, Камила Фун-Со ойнайды.
